PolyU PUCTF 2026 - 一場唔愉快嘅經歷
· Updated: Jun 8, 2026 · PUCTF, CTF
PUCTF
其實場比賽打完好耐 只係我一直拖住冇 update，但諗返起整件事，真係好唔抵。
今篇文唔係 Writeup, 而係將個結果同感受寫出黎。
PUCTF 整體嚟講難度唔算高，只要有心去打，拎到頭 10 名絕對係易。
我都係第一次參加，而結果黎講，我係拎左大專組第三名。 (with HeapUnderflow)
想睇 Writeup 可以去我哋 GitHub (得部分 Writeup)
痴線 DQ
最令我難受嘅，係個 DQ 嘅原因。
正當我確定自己個分已經穩攞第三名兼有獎金嗰陣，去到核實身份嘅階段，主辦方先同我講：「你其中一位隊友唔合資格」。結果因為呢啲行政安排上面嘅「on9」原因，成隊直接被 DQ 咗。
仲有，我完全冇任何不當行為。 我冇 Cheating，冇 Hack 佢 System 拎 Flag，我成個過程係靠自己實力一題題解完再 Submit。如果我真係做咗啲唔正當嘅事而被 DQ，我會覺得心安理得啲，認輸亦都唔會怨人。
但問題係，成個過程我係清清白白參賽，最後竟然係因為呢種原因而前功盡廢，實在令人非常難受。
對主辦方嘅失望
最令我唔明嘅係，點解主辦方喺報名階段唔做好資格審核？既然係比賽，點解要等到參賽者打完、拎晒成績、去到攞獎嗰一刻，先嚟同你講：「你唔合資格」。呢種處理手法真係令人好無語。
試諗下你通左兩晚頂 Solve 哂所有題目再拎左成萬分。最後而呢個原因你既心機白費哂。
關於 Writeup
都過咗一段時間，其他關於呢場比賽既 Writeup 我就唔會再補寫落去喇（比着係你，經歷完呢啲嘢都未必有心情寫啦）。GitHub 入面得嗰幾篇，想睇自已去睇。